Kadto istudyante pa ako sa Mindanao State University - Marawi City, ang amo paagi para mawala ang kamingaw sa amo mama ug papa mao ang maghisgot sa mga kinabuhi sa mga istudyante. In short, manglibak mi sauna. Usa sa amo nga ginalibak, mao ang mahitungod sa istudyante sa Biology 1 sa College of Natural Sciences and Mathematics.
Sa dihang nag experiment sila sa ila klase mahitungod sa langaw, nagkuha siya ug usa kadako nga langaw. Iya kini nga gipalupad, ug ang langaw nilupad. Ang iya observation mao nga ang langaw nga adunay upat ka pako, makalupad.
Iya gikuhaan ug usa ka pako ang langaw ug iya gipalupad, ang langaw nilupad. Busa ingon niya, ang langaw nga adunay tulo ka pako makalupad.
Iya na pud gikuhaan ug usa ka pako, ang langaw nilupad. Busa ang langaw nga adunay duha ka pako, makalupad.
Iya na pud gikuhaan ug usa ka pako, ang langaw ni lupad. Busa ang langaw nga adunay usa ka pako, makalupad.
Iya na pud ning gikuhaan ug usa ka pako. Ang langaw wala na jud pako. Iya kini gipalupad, wala ni nilupad. Iya kini gisinggitan, LUPAD LANGAW LUPAD! Apan ang langaw wala nilupad.
Ang iya dayun na conclusion, I therefore conclude nga ang langaw nga wala nay pako, MABUNGOL...
No comments:
Post a Comment